ايه رأينا فينا؟ سؤال صعب جدا بس تعالوا كده نفكر مع بعض احنا بنعمل ايه فى بعض:
1- مثال شهير فى مدينة كفرالشيخ لما شاب صيدلى - صيدليته الان شهيرة- تقدم لترخيص صيدلية فى عمارة يمتلكها اهله بشارع رئيسى و تقع بين صيدليتين يدير احداهما مهندس و هو زوج الزميلة الصيدلانية و الاخرى لصيدلى من جيل الوسط و تم عمل كل شئ من اجل اغلاق المسافة امام الصيدلى الشاب و كان تبرير السادة الزملاءوقتها: رزقى ...
2-الخصومات و هى مأساه تتحدث هن نفسها.
3- ناس بتأيد النقيب الحالى مع انه معملناش اى حاجة و وصل بفضل تلميع منصبه النقابى له الى مناصب مهمة.... و ناس تقولك د. اسامه مع اننا عاوزين برامج و نتابع تنفيذها و خدمات و نقابة قوية تحفظ لنا حقوقنا و تحاسبنا و تقوم اعوجاجنا مش نقابة ماهاش لازمة او نقابة معارضة.
4- تبديل ادوية التعاقدات بالشامبو و الكولونيا ... بتقولوا عادى .....طب و الله سمعت عن واحد صيدلى فارش امامه بياعة سمك فاللى مش عايز شامبو ياخد سمك...... و اهو فيه فوسفور برضه.
5- الاحتكار..... برجنيل و لوتوفلون اصناف شهيرة معروف ان هناك اسماء شهيرة لا "تنسى" و لا" تتسامح" تحتكرها .
6- نظام النقط : كل ما نقطك تكتر تاخد خصومات اكتر... الخصومات تانى.
7- اقذر حاجة بقى هى اعطاء الاسم لاى من كان دخيلا على المهنة جزارا او تاجرا او طبيبا بشريا و بذلك يحرم ابن المهنة من ممارسة حقه فى فتح صيدلية لأن زميلا له سمح لدخيل باجور على حقوقنا.
8- اخر حاجة اننا مش على قلب رجل واحد ......
ايه بقى رأينا فينا؟؟؟؟؟؟
ارجو الرد[i]