يا عم فتحى ازيك اولا وحشتنا
انت مش بتحلم لالالا
انت كده عندك كوابيس
لا تكون واخد حاجه عشان تعرف تنام من زهقك
احنا صيادله صيااااادله يعنى ايه اجازة ولا اجتماعيات ولا رحلات الحاجات دى ليها ناسها
طب انا عشان بس انت حبيبى ومن زمان وانت عارف هاعمل لك استفتاء ع المنتدى ده وغيره وهتشوف ان اى صيدلى لو اخد 3 ايام اجازة وربنا وربنا هيحتاس ويلوص وما هيعرف هيعمل فيهم ايه دا احنا احتمال نشيل ذنبه لمجرد الفكرة
واقولك على نتيجة الاستفتاء
1 الصيدله حديثى التخرج 2009/2008 هيجمعوا بعض ويطلعوا على اقرب مصيف اذا كان معاهم عربيه اساسا واول ما يوصلوا هيروحوا فى نوووم عميييييق ويصحوا بالليل ده لانهم بقوا كائنات ليليه من ساة الامتحانات والمذاكرة والسهر
2 - الصيادله 2007 / 2006 هيدوروا على زمايلهم ويتصلوا ببعض اساسا مش هيوصلوا لبعض اللى سافر واللى ملخوم فى جوازة واللى محبوس قصدى فى الجيش واللى بيلف كعب داير ومربوط فى ساقية بين صيدليتين لحد مايجيب قرشين يشترى بيهم عقد واللى واللى
3 - الصيادله 2005/2004/2003 غير متاح فى الوقت الحالى من فضلك كرر المحاولة فى وقت لاحق
4 - الصيادله 1999 وانت نازل انضموا الى السواد الاعظم والسلام ياااااه دى فرصه عظيمه للنوم واللمه الاسريه بس ومين يجيله نووم والسوق بحاله ده وهاتك يا تفكيير
ارحمنا يا عم بلاش الافكار دى
اهدا كده
اقولك قوم بص على تواريخك ولا بلاش غم