السلام عليكم ورحمة الله وبركاته
اعزائى الصيادلة ايه رايكم فى رؤية جديدة لمهنتنا هدفها الوحيد هو اعادة ترتيب اوراقنا .. الفكرة باختصار ان
تقسم كلية الصيدله الى تخصصات بحسب مجال التخرج كالتالى :
1 - صيدلة عامة (صيدليات اهليه/ تفتيش صيدلى وادارى )
2 - صيدلة مستشفيات (مستشفيات خاصه / حكومية / تامين /مستوصفات / وحدات )
3 – صيدلة صناعية وتصنيع دوائى (اجهزة طبيه وصيدلانيه ومختبرات وتركيبات وتصنيع ومصانع الادوية )
4 – صيدلة جامعية (خاصه بالبحث العلمى والعلوم المتخصصه والدقيقه المرتبطة بعلوم الصيدلة المختلفة )
5 - صيدلة دعاية طبيه وادارةشركات (عمل شركات البيع والتوزيع والسياسات الدوائيه والوكالات).
6 – تخطيط دوائى ورقابة دوائية (متابعة سوق الدواء وتسجيل الادوية ومتابعة استهلاك الدواء بشكل علمى .
ويمكن استحداث تخصصات جديدة غير كل اللى فات بحسب الحاجه وكمان ستحداث تخصصات واقسام داخل كل تخصص ويمكن لاى صيدلى من اى تخصص اضافة تخصص الى تخصصه باجتياز كورس او دبلومة مدتها ست شهور الى سنه على حسبب التخصص القديم والجديد .
واتخيل الدراسة تبدا بسنه عامه ويزيد التخصص والتوغل فى التخصص من سنه الى اخرى بجدوله ونظام يحدده اساتده الجامعه .
ويحدد الطالب بعد سنه اولى او تانية على حسب جدولة الدراسة رغبته فى التخصص وعلية ان يجتاز اختبار قدرات وسمات وهيئه امام اساتدة كل تخصص بحيث يساعدوه على اختيار التخصص المناسب له .
اما بالنسبه لمجال كل تخصص فالتفاصيل كثيرة ومهمة لم يكن بالامكان الاهتمام بها فى ظل عدم التخصص مثلا هيدخل تحت تخصص المستشفيات كورسات تعقيم واللى هى دلوقتى بياخدها اطباء وبياخدوا عليها رواتب عاليه كمان وهيكون له دور فى متابعة استعمال المضادات الحيوية مثلا ..,,, . هيدخل تحت تخصص الجامعى والابحاث تبادل علمى بين جامعات داخل وخارج مصر وكمان هيكون له دعم مادى ومعنوى وعلمى من مراكز علمية وبحثية حكومية وغير حكومية .تخصص الدعايه هيكون له وضع مختلف من اثناء الدراسه فى الكلية من كورسات ودورات ومؤتمرات وزيارات مصانع واهتمام بتفاصيل اكتر من قبل كده .صيدلى التخطيط والرقابة هيكون له دور اقوى سياسيا وعلميا فى الوزارة والمديريات ورقابة اكتر على الشركات والوكالات العلمية ..اما صيدلى التصنيع هيتعمق فى اجزاء الهندسة وتصميم الاجهزة المستخدمه فى التصنيع الدوائى ومفيش مانع لو يطور او يخترع جهاز .....
وابسط فوائد التخصص هنلاحظها فى السيطرة الكامله على التخصص بحيث لما توجد اى فرصة عمل مثلا مندوب دعاية طبية هيمون الصيدلى المتخصص دعاية اولى واقدرواكتر تمكنا من الخريجين الاخرين وكذلك خريج التخطيط والادارة وخريج المستشفيات وهتظهر درجات وترقيات مع الوقت واخيرا هتلاقى الصيدلى بينمو ويتطور كلما يكبر
وهتلاقى الصيدلى العام المصرى مطلوب اكتر من غيرة للسفر لانه درس علوم متخصصه فى بتوسع وتعمق اكتر من غيرة من البلاد الاخرى وبالتالى راتبه اعلى .. OTC / Drug Drug Interaction/Dosaging
اهم ما فى التخصص ده هو الشعور الجديد بالرضا والاقتناع اللى ممكن يشعر به الصيدلى لما يلاقى نفسه بيشتغل شغل مرتبط جدا بدراسته اللى ضيع فيها عمره و انه ممكن ينتفع بدراسته وممكن يترجمها الى واقع علمى عملى غير كل ده هيرجع لمهنة من اعرق واهم وافضل المهن اعتبارها واحترام الكل لها وهتاخد دورها ومكانها الصحيح لان بقى فيه متخصصين بيقدموا ويراقبوا الخدمه الصحية فى البلد .
والى ان يتم الاعداد والتقسيم ويبدا تطبيق النظام التعليمى ويتخرج الصيادلة المختصين صيادلتنا الكبار والخريجين بالنظام القديم موجودين وبيخدموا المجتمع لسه وبامكانهم لو عاوزين ينضموا الى فرص التخصص يلتحقوا بكورسات او دبلومات التخصص اللى هيجتازها المتخصص اللى عاوز يغير نشاط من تخصص الى تخصص ..
ادعوا الله ان تصلكم رسالتى بكل معناها وتدركوا مغزاها وفوايدها وخدوا الموضوع باهتمام ويارب حد من اساتذتنا الجامعيين يصادفه الورقه دى ويفكر فيها ويبلورها بشكل احسن من كده يليق بالمهنه واصحابها .
عموما لو لك اى تفاعل مع الفكرة او نقد او تعديل ياريت تتشجع وتكتبهولى على الايميل ده وفرصة نفتح حوار جديد
Moh.kamal5640@gmail.com 
موضوع: انت مبسوط فى شغلك 
30/5/2009, 2:49 am
